Демократската нација мора да се конституира контра својата сопствена историја.

Агнес Хелер

Регулативата наводно се затскрива зад завесата „усогласување на регулативи како земја кандидат на ЕУ“, ова се приказни за мали деца, Бугарија воведе визи за Р.М. дента кога стана членка, а не 5 години порано. Значи ова не важи.

Второ очигледно најпогодени се албанските граѓани, бидеќји и македонските граѓани се погодени од шенгенскиот бедем, можам да кажам дека ги разбирам и се солидаризирам со нив потполно.

И последно, откако малку се подолабави шенгенската железна завеса, вака ли покажуваме солидарност со останатите, наместо да се залагаме за укинување на визите, ние како земја воведуваме рестритивни политики и шенгенски услови за они земји кои не се дел од шенген системот. Срамота!

Неодамна за првпат успеав да ја пробијам шенгенската бариера, и патував во западна Европа, на секого му кажував колку нам ни е тешко да одиме таму, дека има мал милион процедури и закачки, а згора на тоа 35 еур глоба, луѓето не беа запознаени со тоа, но во секој случај негодуваа и велеа дека тоа не е во ред.

Со одлуката на мојата влада јас се срамам што сум жител на оваа земја, која им го прави на странските граѓани, она што не сака да и го прават другите земји на нејзините граѓани. Тоа е тотално општествено неодговорно и крајно дволично однесување на една земја која треба да биде на крстопатот на југоисточна европа, а не да се стреми да се затвори и живее во изолација.

Идиотска регулатива која треба да се укине уште утре, за доброто на сите!