Ривалитетот помеѓу Gnome или Kde или Xfce и многу други постои поради потребата за техничко совршенство, и желбата за нивно унапредување и прилагодување, оттука идејата овие околини да се развиваат како слободен софтвер, за да можат оние корисници на кои не им одговара едната или другата десктоп околина да имаат право на избор да ја користат онаа околина која им одговара на нивните потреби и соодветните технички вештини кои ги поседуваат.

Право на избор што корисниците на MacOS X или Windows никогаш не им било понудено ниту инхерентно постои како техничка или можеби уште поважно, како правна можност според EULA-ите на респективните оперативни системи поради недостапноста на изворниот код, технички предуслов за било каква интервенција од страна на корисникот во основните функционалности и напредните можности кои сакаат да ги променат.

Ете тоа се вистиски хакери или geek-ови и оттука тој ривалитет, кој се реализира преку квалитативно и квантитативно подобрување на функционалностите и изгледот на соодветните десктоп околини во секоја наредна верзија, со тоа се зајакнува еко системот на развивачите на слободен софтвер, корисниците и целиот еко систем на напредни ИКТ решенија базирани на слободен софтвер.

Најпосле самиот факт дека изворниот код е достапен на увид на јавноста благодарение на GNU GPL и останатите лиценци на слободен софтвер, што може да се симне и проучи, а потоа и промени преставува и своевидно преиспитување на авторитетот на авторите, дизајнерите и програмерите. Врв на тоа неприфаќање е самата промена која може да се направи од скоро секого кој ги поседува техничките можности, а го претсавува стремежот кон совршенството на секоја индивидуа да го крои софтверот според своите потреби, навики и знаења и тие промени да ги сподели со целиот свет преку Интернет, користејќи сервиси за размена на изворен код и колаборативно програмирање.

Авторот е корисник на KDE и е воодушевен од неговите опции, изглед и напредни технологии, сепак ја цени и почитува заедницата на корисници на GNOME десктоп околината.

Така и нека остане!!!

Ми текна дека пред две години го купив телефонот од „Германос“ па си викам ајде да си ја пробам среќата таму, приспомнувајќи си дека имаа некои апарати за мерење на капацитетот на батеријата.

Денес одам во „Германос“ на рекорд ме пречекува еден од вработените, му поставувам прашање за мојот проблем, а тој тотално неодреден, немаме моментално батерии. Поставив уште неколку прашања, дали сте имале некогаш и дали ќе добиете, и дали вие можете да ми дадете одговор на овие прашања. На ниедно не добив одговор, излегов со здраво но без благодарам.

Следна продавница „Германос“ ГТЦ, љубезна продавачка, неразговорливо нешто ми објаснува за апаратот за тестирање на батерии, се обидува да ми предочи дека им било јавено дека ќе добијат таков апарат, можеби некогаш имале, но не беше сигурна кога, а ниту пак дали пак ќе имаат. Страницава вели дека имаат но нејсе, изгледа продажбата на Космофон, ќе има реперкусии и врз квалитетот на услугата, иднината и развојот и на самиот „Германос“.

Во слободен муабет ме прашува колку време ми држи батеријата, јас и одговарам па што знам едвај ден, ден и пол, и тогаш зрак светлина од молскавичниот ум на вработената, „Па изгледа многу збориш на телефонот?!“…

Јас останав без зборови и си излегов со едно благодарам, барем за љубезноста.

Поентата на мобилните оператори нивните корисници што повеќе да зборуваат на своите мобилни телефони. Така ќе носат поголем приход за компанијата која е нивен обезбедувач на телекомуникациски услуги. Кога цената на услугите е висока и со овој обем на сообраќај компаниите едноставно го добиваат својот дебел профит и не размислуваат како да им овозможат на своите корисници да зборуваат повеќе на своите мобилни телефони.

Во шаблоните за водење бизнис во Македонија, очигледно само последната констатација е потполно точна. Ова ќе треба да се промени. Едноставно нема да биде издржливо и одржливо, состојбите мора да се променат што побргу тоа подобро и за нас како корисници и за нив како компании кои обезбедуваат квалитетни и технолошки напредни услуги за своите корисници.
Одделите за маркетинг и грижа на корисници ќе треба посериозно да се зафат со работа.

П.С. Шаблоните услуги за корисници ќе продолжат..

По следење на информациите на викито, подготвив USB стик со Firmware Q2C26, додека buld-от остана 542, по 5-6 минути неколку рестарти, вадење на батеријата успешно заврши процесот на надградба.

Дамјан и Миша ги средија кирилицата и преводите на апликациите, и сега лаптопот е скоро тип-топ.

Мој следен предизвик е инсталација на многу позрелиот Ship.2 Q2D07, build 650 за да ја погледнеме комплетната функционалност на лаптопите.

До тогаш се гледам вечерва во точка од 20ч, каде ќе има презентација на OLPC.

Тагови ли се – тагови
блогерски маки големи!

Блогирај наутро порано
тагирај навечер подоцна,
наутро постови објави
навечер тагови додади.

Ај, пусти да е, пуст да би
останал живот блогерски!

Роди се блогер – гик биди,
роди се блогер – гик умри,
скотски цел живот блогирај
за туѓи блогови линкувај.

За туѓи блог сервиси
додавај црни трекбеци!

За себе само ргај си
за себе маки тргај си -
нижи си гердан тагови
нижи си долги постови,

нижи си синџир тагови
околу блогот навезен!

Оригинал, мастер Коста Апостолов Солев Рацин, збирка Бели мугри, песна Денови.

Ремикс Јас и Котле.

Се обидуваа да не замолчат, се обидуваа да не уплашат, се обидуваа да не поделат, да не растурат; се обидуваа да ни ја убијат надежта, волјата, храброста.

Се обидуваа и не успеаа.

Ги издржавме сите тие битки; имаме многу рани, многу лузни, меѓутоа денес одиме по улица со кренато чело, чист образ, со цврста волја. Пред нас е најзначајната битка; Битка да се биде или не. Сите заедно ќе тргнеме кон 15-ти септември, кон новиот почеток. Македонија, нашиот народ, вие почитувани граѓани заслужувате подобра иднина, заслужувате софтверска слобода, а наша заедничка обврска е тоа да го направиме. Затоа, Драги пријатели, јас не се надевам, јас знам што ќе се случи на 15-ти септември.

На 15-ти септември народот ќе ја земе судбината во свои раце, На 15-ти септември, сите ќе ја видиме големата народна сила и волја. На 15-ти септември овој народ ќе ја види и искуси слободата на софтверот! На 15-ти септември вие ќе ја имата вашата дигитална иднина! Од 15-ти септември вие ќе бидете слободни!

P.S. Текстов погоре ми го најде Новица, некаде на интернет, итегрално е земе од говорот на сега претседателот Б.Ц., тогаш лидер на опозицијата и кандидат за премиер на изборите 2002 година. Не сум сигурен дека е негово авторско дело, мислам дека го испиратирав . Нејсе. Тоа беше еден од моите придонеси за сфд 2007.

Вчера 25 август 2007 година ја донела долгочекуваната мерка за намалување на ДДВ за компјутерска опрема од 18% на 5%, по укинување на царината за компјутерски делови.

Тактички добро одиграно.
Намалување на ДДВ за земјоделците, нема ефекти. Наламување на ДДВ за ИТ опрема, неможат да се побунат земјоделците, се очекуваат големи ефекти. Бидејќи јас колку што сум запознаен секогаш кога се барало намалување на ДДВ за компјутерска опрема коментарот од надлежните бил, а што ако се побунат земјоделците?. Одлично.

Ова би требало да значи поефтини компјутери и компјутерски делови за 13% во Македонија, или уште подобро ако некој ви го носи од странство нема потреба од малтретирање на аеродром, ќе си го пријави фино лепо латопот ќе плати ДДВ од 5% и пак ќе ви излезе поефтино отколку да го купувате во Македонија. Ем сте си купиле поефтин лаптоп, ем сте платиле легално данок.

Дури купувањето на компјутери преку ebay ќе може конечно да заживее со само 5% данок.

Begrenzung 10GB ist erreicht worden!
Ihr Internet ist jetzt langsam, langsam!

Ihr wirklich On.net!