Отворени [македонски] ИКТ екосистеми at |cybertronix

Отворени [македонски] ИКТ екосистеми

29Apr07

Отворен ИКТ екосистем според „Патоказ за Отворени ИКТ екосистеми“, претставува способност на самиот ИКТ екосистем да ја вклучи и одржи интероперабилноста, развојот базиран на соработка и транспарентноста. Уште малку дефиниција, според тоа ако ги наведеме како водечки принципи на еден отворен ИКТ екосистем дека:

Отворениот ИКТ екосистем треба да биде:

Интероперабилен
Центарот да биде корисникот
Колаборативен
Одржлив
Флексибилен

Интероперабилноста е добро дефинирана на македонската википедија. Мејнстрим медиумите во Македонија еднострано ја покриваат приказната за интероперабилноста. И тоа за жал добиваат информации од погрешната страна. Уште полошо добиваат погршни информации и оксиморони како „коопетиција“. Јасно и гласно не постои таков термин, политика или начин на соработка од таа софтверска компанија, уште помалку постои зборот „коопетиција“. Ако сакате да видите што постои, Пробајте ЕЕЕ.

Интероперабилноста воопшто не е апстрактен термин, за да се постигне интеропреабилност помеѓу информациските системи во еден отворен ИКТ екосистем, треба да се исполнети следниве предуслови:

Примена на отворени стандарди
Примена на слободен софтвер
Ориентација кон услуги
Примена на отворени формати за документи

Имплементацијата на овие предуслови претпочита отворање на ИКТ екосистемот на државните администрации, големите мултинационални корпорации, малите и средни претпријатија, општините и едниниците на локалната самоуправа, со тоа сите тие добиваат на ефикасност, иновација и раст. А раст е она што нам во моментов ни е повеќе од потребен. Расфрлање со значењето на самиот поим интероперабилност и несфаќањето дека тоа претставува само еден неделив дел од целата слика и само прв чекор кон целосно отворање на ИКТ екосистемот е несериозно, површно и претставува фрлање прав во очите на јавноста.

Имплементирање на неслободен софтвер по дефиниција ја оневозможува интероперабиленоста, имплментирање на стандард поинаков од ISO/IEC 26300:2006, како Office Open XML имплемнетиран само од еден производител од софтвер драстично ја намалува интероперабилноста. Од друга страна ISO/IEC 26300:2006 OpenDocument формат е поддржан од повеќе од 4 пакети или апликации за канцелариско работење, кои функционираат на повеќе од 3 софтверски платформи вклучувајќи ги тука (Gnu/Linux, Mac Os X, MS Windwos и Solaris).

Потребата за ефикасност, иновација и раст треба да се осознае, да се почувствува, да се вгради во политика, во наредниот бизнис план и да се почне со отворање на ИКТ екосистемот.

За анализа на отвореноста на ИКТ еко системот „Патоказот..“ ни го предлага Openness Maturity моделот, каде нивоата на отвореност се слендиве